مادري من وين ابدي ومن وين انتهي .. تاريخ ١٦–٨–٢٠٢١ تعرفت علي إنسانه عظيمة روحها حلوة ، ضحكتها جبر سوالفها ما تنمل منها و من هاليوم صارت اعز الناس على قلبي و دخلت قلبي بشكل محد يقدر يتصوره.. أتذكر اول مره سولفنا فيها ومن اول سالفة عرفت ان انا وياها نتشابه بوايد اشياء بهدوئنا ، بذوقنا بالملابس والاكل و مشاعرنا وغيرها .. صرنا قراب جنه نعرف بعض من سنين مو ٧ شهور بس…

كنا شي حلو قروب متكامل وصرنا ناقصين بدونها ، شاركنا بعض كل حلوه ومره كانت اقوي وحده حاربت المرض ، بعز المرض كانت تحاول تسعدنا لو بأبسط الكلمات وتسال عنا و كانت تحاول تطلع عشان خاطرنا واهيا تعبانه ، كانت تفكر فينا قبل ما تفكر بنفسها بكل شي .. وتذكرنا بأي شي تشوفه و كل ما أشوفها لازم تلمني وتبوسني وتقولي ” والله انج جميله ، حلو عليج كل شي ، ميكبج اينن ، لبسج حلو..” ماعمري سمعتها تقول شي سلبي .. ايام المستشفى كانت متعبه و الأصعب انكم تشوفون انسان صار غالي وعزيز على قلوبكم يتألم وماتقدرون تسوون شي الا انكم تدعون له..

قبل وفاتها بيوم كلنا دعينا انها تقوم بالسلامه وكلنا حطينا أمل انها بترجع اقوي ومحد قدر حزتها ينام و حاشتنا ضيقه وخنقه ما تنوصف.. هاليوم كان كئيب منصبحه لي ليلة.

اسأل نفسي كل يوم انا ليش ما قام ابجي؟ ليش احس ان كل هذا جذب وحلم؟ وان آية موجوده ويانا .. آية اكيد الحين بتعلق علي شي دزيته.. أكيد بدافع عني نفس كل مره وتقول ما ارضى عليها.. اكيد ما ماتت..لي الحين احس كل هذا جذب..

يا تاريخ ١٧–٢–٢٠٢٢ و خذا منا قلب طيب ، حنون ، دافي ومافي مثله ولا بيتكرر.. كان يوم صعب ، صدمه ، مرهق ، ثقيل ، خوف ، توتر من الصبح لي بليل كان عباره عنصدمه وتمنيته يكون حلم .. شلون بفترة صغيره عرفنا بعض و هالفتره راحت منا وتركت اثر كبير علينا.. آية كانت شي ما ينوصف واول صدمه بحياتي.. (كانتخسارتها) ما قدرت المها آخر وداع و لا اقولها شكثر احبج.. خذت قلبي وراحت..