كل عام وأنتِ بمكان أحسن
اليوم أبچي فقدچ يا آيه .. كنتِ كل سنة تشتطين وانتِ تدرين خاشيلچ احتفال مفاجئ أو طلعه أو أي شكل من أشكال الاحتفاء فيچ، فعلاً .. دايما نحب نحتفل فيچ ومعاچ لأن ضحكتچ وسعادتچ اهي اللي تعطي للاحتفال معنى، بس مو اليوم، اليوم ضايعين بدونج، اليوم قاس،طويل، ماله لون. الفرحة انتي والعيد انتي، تغيرت المعاني الحين بنظري من بعدچ
من رحتي كنت أبچي عليچ .. هل وصلتلچ شكثر أحبچ، هل عطيناچ كل اللي تستاهلينه من حب وضحك وفرح، وحتى بأصعب أوقاتچ هل كنايمچ كفاية والا قصرنا، كنت أبچي التقصير منا لأنچ دايما تستاهلين أكثر، وأحسن. دايما تراعين مشاعرنا كلنا لي آخر يوم عشتي فيه.. كنتأبچي شكثر كان ودي أفهمچ اني كثر ما تحسين اني أحبچ ترا أحبچ أكثر. وأحطچ بقلبي على قولتج .. بس اليوم أبچي فقدچ كثر ماالحروف ما تكفيچ ولا توفيچ
تذكرين لما كنا نتهاوش على “الحمدلله عليچ“؟ اليوم أقولها وللأسف مافي آيه تناشبني عليها .. الحمدلله عليچ، الحمدلله انچ انوجدتي بحياتيوعطيتيني بُعد ومعنى ثاني للاخت، الصديقة، الحبيبة.
يارب تكونين بمكان أحسن، لا مو بس مكان أحسن يارب تكونين بأحسن مكان، مرتاحة ومستانسة وتاكلين أحلى الكيكات وكل أمنياتچموجودة عندچ وربي يعطيچ بصبرچ كل اللي تستاهلينه وأكثر
أحبچ
3 responses to “كل عام وأنتِ بمكان أحسن”
كلنا والله 🙁 والله كلنا
يا رب
وباقـي شي !! ” ترى هي بمكان احسن” وكأني لا اعلم او اشك بالرحمن ورحمته!
كل شي نعرفه ياعزيزي المواسي لكنك ماتعرف شنو يعني الايام تخترقك وتمر من خلالك مو انت امر فيها
النظر الي القبر من شبابيك المغيسل مع السؤال ! شلون يهون علي اسمح لهم ينثرون تراب ، كيف ما امنع ، كيف ما اصرخ بكل ما اوتيت من قوة !!!!! بروحها؟ خايفه؟ تسمعني؟ تدري شسوي ؟ لازم تدري اني حزينة لاني حزينة ختحاول تجيني بالحلم ، لو بالحلم !! حبيتي أمي … أمي ياريت القبر اتسعنا اثنينا يا صديقتي ، كنت اتغشمر واقولج لازم نموت مع بعض والقبر دورين ، ماكنت ادري ان هالقطه السخيفة مني صارت امنية … ٨ سنوات ، الى الان اعتذر على ال٣ ساعات اللي خليتج ورديت البيت وسالتي عني مرتين ، ليت السرطان رجلاً والله لقتلته .. مو بس زعلانه لانها ماتت! زعلانه لانها تعورت ، ولا تقولون كله بأجره ! لاني ادري .. والله ادري والله ادري .. بس ياريتها ماتالمت او ماخذت كيماوي .. هذه مجموعه من الاشياء يجب ان تقتل ، السرطان ، الكيماوي …. الذاكرة!