ماما🤍

____________ •

أشوفج بكل مناسبة طبيعي تكون الأن واقفة فيها جمب بنتها..

فترة دراسة١٢ .. نطرَة النسبة، لهفتج وخوفج منها.. التخرج .. تسجيل الجامعة وحيرتي وين أروح وهل بنقبل أو لا..

أشوفج بكل موقف ثقيل علي حيل .. بكل حمل قطيتيه على كتوفي ورحتي وخليتيني بروحي.. بأخواني .. حاجتهم لي بنفس الوقت حاجتيلج اللي محد قادر يسد مكانها ولا أحد سعى أن يسدها من الأساس.

بالبيت .. شغل البيت.. احتياجاته.. قوانينه.. تربيتنا.. بكل شي يمه.. كل شي

قبل ما أفقدج.. ما كنت أعرف قيمة وجودج جمبي و حولي وبكل شي أسويه .. ماكنت أعرف قيمة كل كلمة كنتي تقولينها لي حتى لوتضايقني تزعلني أو تبجيني .. يمه أنا أعرف عدل كل شعور مو حلو خليتج تعيشينه.. أعرف عدل بشنو كنتي تحسين لما أرد عليج أوأضايقج بأي تصرف.. كنت طفلة ..

ليش رحتي وخليتيني؟ تعبت أسألج من أول يوم فقدتج فيه .. ليش مانطرتيني أكبر شوي؟ ليش تركتيني صغيرة حيييييييييل ضايعة حيل موعارفة وين أروح؟ تركتيني بأكثر فترة ممكن أحتاجج فيها بحياتي كلها ..

يمه ليش خليتيني بروحي.. كنت حولج و حوالينج طول الوقت غرقانة بالأمان وبخوفج علي .. كل شي كان ماشي صح حتى لو ماكانيعجبني أو ماكنت راضية فيه.. كبرت يمه وعرفت إنه كل شي كان صح بوجودج..

مو قادرة أمشي حياتي بدونج .. كل شي صعب .. والله صعب!

صعب أنام .. صعب أقوم .. صعب أعيش ، ماعندي طاقة أواجه فيها اليوم .. و لو كان عندي طاقة لليوم ف الأكيد باجر مافيني أي طاقة.. يمه تعبت حيييييييل بدونج..