أنا وآية بأول يوم رمضان مادري أي سنة… يومها خلصنا شغل وصلينا ورحنا تفطرنا ببيكر اند سبايس سوق شرق قعدنا هناك لين الساعة 10 — أطول فطور بالدنيا! كان عادي عندنا نكمّل لأن سوالفنا ما تخلص… أذكر يومها طلبنا چاي ولما ييت بصبّه كتيته عالطاولة. كان وناسة والجو حلو وأشكالنا حلوة والحياة حلوة يمكن […]

اليوم الحياة صعبة… وايد صعبة. ولهانة عليچ… آية الوله ما يخف ولا راضي يروح…   ehda2 ya shagool ;*

فكرة اني أقوم كل يوم أقنع نفسي انچ مو موجودة تعبتني.  ولهت عليچ وعلى صوتچ وضحكتچ وبچيتچ الخايسة. ولهت أسمع تحلطمچ وولهت أتحلطم عندچ. حياتي فاضية بدونچ. وقطات تك توك صارت ما تضحك وانتي مو موجودة. احبچ آية والدنيا وايد صعبة بدونچ.

صايره وايد أغني ما نقص هالليل بعدك إلا قمره… ما فقدت من النهار إلا شعاع الشمس أحب هالاغنية بس أول مرة أحس فيها… أحس كل أغاني الظيم والفراق كاتبينها عن حبايبهم اللي ماتوا. أحبچ ولهت عليچ. مرات قلبي يكون كبير وفاضي ومرات أحسه صغير وسخيف. مادري… بس قلبي والدنيا مو حلوين بدونچ.

سويت كل شي عشان ما أكتب لچ بعيد ميلادچ تذكرت كل سالفة كل ضحكة كل طلعة كل نقاش كل اغنية قريت كل المسجات لين ما وصلت عند مسج ذبحني… وقتها كنت باكتئاب وانتي تحاولين تسوين كل شي عشان أطلع منه… أو عالأقل أطلع من فراشي.   ولا مرة قلت لچ بس أغلب الأوقات كنت أعتبرچ […]

أحس قلبي فاضي وكل شي ماله معنى… كل سالفة كل ضحكة كل بچيه ماكو شي له معنى. تضحكني نكته سخيفة أذكر انها مو موجودة عشان أقول لها النكته أدخل بدوامة أسأله… شنو يعني موت؟ شلون أحبها وأحس فيها وولهانة عليها وهي مو موجودة الحين؟ انزين وينها؟ شلون انسان يموت؟ كانت موجودة نسولف نضحك نطلع نرجع؟ […]