ليش انا؟

مرات اعصب عليه، ليش ماكان يفحص؟ ليش كان يهمل نفسه؟

انزين ليش مافكرت فيني؟ ليش خليتني ؟ شمعنى انا بس حصلتك ٨ سنين؟ شمعنى اختي واخوي وامي وعمامي وعماتي وخالاتي وخوالي وربعك وعيالهم وكل الناس حصلتك وايد ؟ عرفوك وايد؟ وانا بنتك بس ٨ سنين؟ ليش؟ ليش كل الناس تعرفك اكثر من ما انا اعرفك؟ ليش الناس عندهم ذكريات وياك وانا ماعندي؟ ليش يذكرون صوتك وسوالفك وضحكتك وانا لا؟ ليش صورتك موجوده ببالهم وانا لا؟

ليش خليتيني وين ما اروح اشوف الناس عندهم ابهات وانا لا؟ ليش ابهاتهم يشوفونهم يكبرون ويعيشون وانا لا؟ ليش ماخليتني اعرفك؟

انزين ليش ما تييني؟ اقل شي ممكن تسويلي ياه انك تييني كل يوم بالحلم. ليش مستكثر علي حلم؟ ليش مستكثر علي بالحلم اقولك بابا؟ ليش مستكثر علي لمة بالحلم؟

ليش خليتني امشي وادور احد يحسسني بالامان؟ ليش خليتني بدون سند؟ ليش خليتني تايهه بدون ابو؟ ليش خليت الناس يطالعوني بنظره شفقه “مسكينه ابوها مات واهيا صغيره حتى ماتذكره”

ليش تسوي فيني جذي؟ ليش هديتني؟ ليش؟